ស្នងការខេត្តកំពង់ចាមនិងសហការី នាំយកនូវចង្ហាន់ និងទេយ្យទាន ទៅប្រគេនដល់ព្រះសង្ឃគង់នៅវត្ដឥន្ទមុនីវ័ន ហៅវត្តស្រែអំពៅ!
ស្នងការខេត្តកំពង់ចាមនិងសហការី នាំយកនូវចង្ហាន់ និងទេយ្យទាន ទៅប្រគេនដល់ព្រះសង្ឃគង់នៅវត្ដឥន្ទមុនីវ័ន ហៅវត្តស្រែអំពៅ!
កំពង់ចាម៖ នាព្រឹកថ្ងៃចន្ទ ទី០៩ ខែតុលា ឆ្នាំ២០២៣ ពិធីកាន់បិណ្ឌទី១០ លោក ហេង វុទ្ធី ស្នងការនគរបាលខេត្តកំពង់ចាម និងក្រុមគ្រួសារ ព្រមទាំងសហការី បាននាំយកនូវចង្ហាន់ និងទេយ្យទាន ទៅប្រគេនដល់ព្រះសង្ឃគង់នៅវត្ដឥន្ទមុនីវ័ន ហៅវត្តស្រែអំពៅ ស្ថិតក្នុងភូមិស្រែអំពៅ ឃុំទួលសំបួរ ស្រុកស្ទឹងត្រង់ ដើម្បីឧទ្ទិសកុសល្យផលបុណ្យដល់ញាតិសន្ដានដែលបានចែកឋានទៅ។
តាមរយៈការប្រគេនទេយ្យទានដល់ព្រះសង្ឃ ជូនបច្ច័យតាជី យាយជី បងប្អូនប្រជាការពារ សុទ្ធសឹងជាកំលាំងដ៏សទ្ធាជ្រះថ្លាពីខ្ញុំ និងក្រុមគ្រួសារ ព្រមទាំងការចូលរួមពីសហការី សរុបបច្ច័យចំនួន ៤,២១០,០០០រៀល បន្ថែមពីនេះទៀត ខ្ញុំក៏បានចូលរួមឧបត្ថម្ភសុីម៉ងចំនួន ៥តោន ស្មេីនឹង 575$ សម្រាប់ជួយសាងសង់វិហារបុណ្យ នៅវត្ដឥន្ទមុនីវ័ន ហៅវត្តស្រែអំពៅ ។
បន្ទាប់មក លោក ស្នងការ និងសហការី ក៏បានបន្ដចុះសួរសុខទុក្ខបងប្អូនប្រជាពលរដ្ឋដែលជួបការលំបាក់ ក្នុងភូមិស្រែអំពៅ និងបាននាំយកអំណោយដ៏ថ្លៃថ្លារបស់ ឯកឧត្តម ហ៊ុន ម៉ានិត អនុប្រធានក្រុមការងារថ្នាក់កណ្ដាលចុះជួយខេត្តកំពង់ចាម និងជាប្រធានក្រុមការងារចុះជួយស្រុកស្ទឹងត្រង់ ចំនួន០៥គ្រួសារ ផងដែរ៕វណ្ណៈ
